George Weah

George Weah
25. President of Liberia (en) 22 xineru 2018 - 22 xineru 2024 ← Ellen Johnson-Sirleaf - Joseph Boakai → embaxador de bona voluntá d'UNICEF Member of the Senate of Liberia (en)
Vida
Nacimientu	Monrovia[1], 1 d'ochobre de 1966[2] (57 años)
Nacionalidá	Liberia [3] Francia  27 abril 2005)[4] Francia  (10 xunu 2015 - [5]
Llingua materna	inglés
Familia
Casáu con	Clar Weah
Fíos/es	Timothy Weah George Weah Jr (es)
Familia	ver Christopher Wreh (primo hermano (es) )[6]
Estudios
Estudios	Devry University (es)
Llingües falaes	inglés francés
Oficiu
Oficiu	futbolista, políticu
Trayeutoria   Equipu 2001–2003 Al-Jazira Sporting Club (es) valor desconocíu (valor desconocíu) 2000–2001 Olympique de Marseille 19 (5) 2000–2000 →cesión a  Chelsea Football Club 11 (3) 2000–2000 Manchester City Football Club 7 (1) 1995–2000 A.C. Milan 114 (46) 1992–1995 Paris Saint-Germain Football Club 96 (32) 1988–1992 Association Sportive de Monaco Football Club 103 (47) 1987–1988 Tonnerre Yaoundé (es) valor desconocíu (valor desconocíu) 1986–1987 Invincible Eleven (es) valor desconocíu (valor desconocíu) 1985–1986 Mighty Barrolle (es) valor desconocíu (valor desconocíu) 1984–1985 Bong Range United (en) valor desconocíu (valor desconocíu) 1981–1984 Young Survivors (en) valor desconocíu (valor desconocíu)   Seleición nacional 1986–2018   seleición masculina de fútbol de Liberia 75 (18)
Participante Copa Africana de Naciones 1996 (es) Copa Africana de Naciones 2002 (es)
Posición o especialidá	delanteru
Pesu	76 kg
Altor	185 cm
Premios	ver Balón d'Oru Premio Arthur Ashe
Creencies
Relixón	cristianismu[7]
Partíu políticu	Congreso para el Cambio Democrático (es)

George Weah (1 d'ochobre de 1966, Monrovia) ye un ex-futbolista y políticu liberianu, actual presidente de la República de Liberia dende 2018.

Empecipió la so carrera deportiva como delanteru centru en dellos clubes africanos hasta qu'en 1988 foi contratáu pol A. S. Mónaco por encamientu d'Arsène Wenger. Ellí permaneció cuatro temporaes hasta colase al Paris Saint-Germain, col que ganó la lliga 1993-94 y destacó a nivel internacional. En 1995 foi trespasáu al A. C. Milan, nel que ganó dos scudettos. Nos sos últimos años pasó por Chelsea, Manchester City y Olympique de Marseille hasta retirase nel Al-Jazira emiratín en 2003. Amás foi internacional pola seleición de Liberia.

Consideráu unu de los meyores delanteros de la década de 1990 pola so potencia física y el so control del balón,^[8] llogró múltiples distinciones individuales. La más importante foi'l Balón d'Oru de 1995, el primeru pa un futbolista no européu y hasta agora l'únicu llográu por un africanu.^[8] Esi mesmu añu tamién foi votáu Xugador Mundial de la FIFA. Amás consiguió dos Balones d'Oru d'África (1989 y 1994), un premiu al Futbolista del añu n'África y el gallardón Once d'Oru de 1995.

En retirándose en 2003 centró esfuercios nel so llabor como embaxador de Bona Voluntá d'Unicef, llabor que yá ocupaba como xugador. Sicasí, a los pocos meses empecipió la carrera política nuna Liberia que venía de superar una llarga guerra civil. Ensin esperiencia na materia, fundó'l partíu Congresu pal Cambéu Democráticu (CDC) col que se presentaría a les primeres eleiciones presidenciales de 2005. A pesar de ser el candidatu más votáu en primer vuelta, con un 28.27% de los sufrarios, acabó cayendo derrotáu por Ellen Johnson-Sirleaf na segunda vuelta.^[9] Volvería presentase ensin ésitu nes eleiciones xenerales de 2011, nesta ocasión como vicepresidente del candidatu Winston Tubman. Nes eleiciones senatoriales de 2014, Weah impúnxose ante'l fíu de Sirleaf pa ser escoyíu senador por Montserrado. Y nes eleiciones de 2017, políticamente fortalecíu y sofitáu por una coalición eleutoral col Partíu Nacional Patrióticu (NPP) de Jewel Taylor, resultó'l candidatu más votáu tantu en primer como en segunda vuelta. Dende'l 22 de xineru de 2018 ye presidente de la República de Liberia, siendo'l primeru del país n'asoceder al líder d'un partíu políticu distintu per medios constitucionales y pacíficos.^[10]

1. ↑ URL de la referencia: https://www.britannica.com/biography/George-Weah.
2. ↑ Afirmao en: transfermarkt.com. Identificador Transfermarkt d'un futbolista: 8542. Apaez como: George Weah. Data de consulta: 9 ochobre 2017. Llingua de la obra o nome: distintes llingües.
3. ↑ URL de la referencia: https://www.lequipe.fr/Football/FootballFicheJoueur4284.html.
4. ↑ URL de la referencia: https://www.ligue1.fr/joueur?id=george-weah.
5. ↑ URL de la referencia: https://www.legifrance.gouv.fr/jorf/jo/2015/06/13/0135.
6. ↑ URL de la referencia: https://www.echo-news.co.uk/sport/23147828.strikers-family-links-george-weah-englands-world-cup-tie/.
7. ↑ URL de la referencia: http://news.bbc.co.uk/sport1/hi/sports_talk/forum/1550731.stm. Data de consulta: 5 payares 2023.
8. ↑ ^{8,0 8,1} El Mundo (ed.): «Los meyores xugadores africanos de la hestoria» (castellanu) (3 de xunu de 2010). Consultáu'l 18 de xunetu de 2014.
9. ↑ USA Today (ed.): «Liberia poised to have Africa's first-ever elected female president» (inglés) (10 de payares de 2005). Consultáu'l 18 de xunetu de 2014.
10. ↑ George Weah elected Liberian president BBC News, 28 December 2017